مراجعة لعبة Disney Infinity: Marvel Super Heroes

Disney-Infinity-Marvel-super-heros-logo

اشتقنا والله اشتقنا .. و بعد زمان و بعد ما شفنا الجزء الاول من لعبة Disney Infinity اللعبة الي فيها كل الشخصيات الي عشقناها و احنا صغار , و الي كنا نقلدهم في كل كلمة يقولوها و كل فعل يعملوه .. نحاول ننط مثل ما ينطو , نردد شعاراتهم المميزة , نشتري ألعابهم و نلفها بالبطانية و ننام جمبهم .. اي يا حبيبي هي هي Disney Infinity .

لكن في هالمراجعة رح نتناول اللعبة الي نزلت عن جديد و هي تعتبر الجزء الجديد و الثاني من لعبة Disney Infinity و الي تحت اسم Disney Infinity: Marvel Super Heroes او Disney Infinity 2 , و من اسم اللعبة تلاقو انه تقريبا كل الابطال .

disney-infinity-2-marvel-super-heroes-4

وقت تشتري اللعبة رح تلاحظ انه الشخصيات رح تكون مو الشخصيات الكاملة حيث انه سيكون هناك شخصيات The Avengers و Spider-Man و Guardians of the Galaxy , شخصيات هالمسلسلات و الفيلم رح تكون عبارة عن حزمة البدء او بمسمى افضل هو حزمة الاطلاق .. طيب انا اريد شخصيات اكثر شو الحل ؟ .. بالنسبة للشخصيات الاخرى رح تكون عبارة عن Wave 2 و فيه رح يشمل باقي الابطال , نص الابطال رح ينزلو في تاريخ 4-11-2014 و النص الثاني رح ننتظر ل 2015 .. بعد الشخصيات رح تلاقي قاعدة هي عبارة انك رح توصلها بجهازك و وقت تريد تبدل شخصيتك رح تحط تمثال الشخصية على القاعدة و رح تتبدل مباشرة في اللعبة و هذا الشي أكثر شي ميز لعبة Disney Infinity 2 عن جزءها السابق , ايضا و بالتأكيد رح تلاقي سي دي اللعبة .

Disney-Infinity-Marvel-Super-Heroes

بداية اللعبة رح تاخذك في عرض قصير و فيه رح تشوف الشخصيات و الابطال الموجودة , و ايضا رح تشوف بعض قدرات الابطال , بعد كذا اللعبة رح تطلع منك اما تسجل دخول بحساب ديزني او تقدر تعمل سكيب و تأجل الموضوع , و بعد كذا رح تدخل كمان عرض للعبة و فيه رح تشوف ايرون مان مع اصدقاءه الابطال مجمدين , لكن ايرون مان رح يكسر الثلج حتى يبدا المغامرة مع اصدقاءه الابطال , رح تبدا تتحكم بشخصية ايرون مان و تدخل لمغامرات و مهمات اللعبة .

DisneyInfinityBlackWidow

بعد ما تنتهي من المرحلة الاولى اللعبة رح تاخذك لل Toy Box و هو عبارة عن عالم طائر فوق بحر و فيه رح تلاحظ وجود شخصيات من اسطورة ديزني , و فيه كمهمات اضافية رح تعملها في الToy Box و مهمات اضافية و ما الى ذلك .
بالنسبة لجرافيك اللعبة رح تلاحظ تغير و فرق عن الجزء الاول من اللعبة , حيث صار تقدر تشوف بعض التفاصيل الاكثر دقة و رح تلاحظ بعض التغييرات في عالم ال Toy Box و ايضا كمان رح تلاحظ صار في دقة بحركة الشخصيات ( اذا ما دققت 100% ما رح تلاحظ بهالشي الكبير و رح تحس انه تقريبا نفس الجزء الاول من اللعبة )
المؤثرات الصوتية في اللعبة صراحة عجبتني كثير و احلى شي الدبلجة العربية في اللعبة الي كان أحمد النشيط شغال مع الشباب في ديزني ليعربو اللعبة .

اللعبة معربة بالكامل , من قوائم لسبتاتيلز لدبلجة صوتية .. من الاخر كلها معربة و هذا الشي من اهم الاشياء الي كنت متحمس اكثر شي لها حيث بتعريبهم للعبة و ملاحظتنا لاهتمام الشركات في تعريب الالعاب يعتبر هذا فخر لنا و بلغتنا لتصبح العاب كثيرة باللغة العربية .

هي بالنسبة لمراجعتنا للعبة نتمنى انه تكون عجبتكم و نعتذر عن التأخير بنشرها , هي كانت جاهزة من فترة لكن بسبب الظروف تأخرنا بنشرها .

تقييمنا للعبة
  • الجرافيك و المؤثرات المرئية
  • القصة
  • أسلوب اللعب
  • المؤثرات الصوتية
4.2

Tags

About: Abdalrhman Faraj

Syrian live in #UAE ~ @DvLZGaME Team Member ~ #Write ~#Web Designer ~ #Robotics #Programmer ~ Montager ~ #Gamer :)

You may also like...

6 thoughts on “مراجعة لعبة Disney Infinity: Marvel Super Heroes”

أضف تعليقاً

Google+ Google+