مراجعة اللعبة الغريبة الاطوار Minimum

Minimum1

في مراجعة اليوم رح نتحدث بشكل سريع عن لعبة تقدرو تقولو عنها لعبة غريبة الاطوار , فيها افكار جميلة و اللعبة هي Minimum .

لعبة Minimum من نوع تصويب منظور الشخص الثالث ومن تطوير استديوهات Human Head ونشر Atari , اللعبة حاليا موجودة على PC عالستيم بسعر 10 دولارات للنسخة , و لنسخة الفريق 35 دولار امريكي .

المهم , فكرة اللعبة شوية غريبة , حيث ان اللعبة عبارة عن لعبة تصويب و قتال لكن بنفس الوقت عبارة عن مكعبات , يعني الشخصية الي رح تلعب فيها مكعبات و الي رح تقتلهم مكعبات و العالم كله مكعبات , رح تقولو انها تشبه ماينكرافت , كعالم و شخصيات اي تشبه ماينكرافت لكن فيها افكار جميلة عجبتني بتجربتي لها و رح نتحدث عنها في هالمراجعة .

Minimum2

أول شي , اللعبة فيه ثلاث أطور :

* Team Deathmatch
هو مود من ضمن اللعبة و فيه عبارة عن قتال فريقين و تجميع سكورات

* Titan Mode
و هالمود من اسمه رح يكون فيه تايتان , حتى يحصل الفريق على تايتن قوي لازم الفريق يتعاون مع بعض و يدمرو الكريبات ( Creeps ) حتى يطورو التايتن تبعهم , و بعد ما يتم تطوير و اطلاق التايتن لازم الفريق و التايتن يتساعدو حتى يدمرو قاعدة الخصم .

* Ranked Mode
و هو مود تقدرو تقولو عنه للي عندهم خبرة باللعبة , و كمان رح يكون فريق عندهم قائد و يتساعدو و يتعاونو مع بعض حتى يفوزو و ينتصرو عالخصم .

Minimum4

هي بالنسبة للمودات و المطورين واعدين لاعبين اللعبة انه رح يكون في مودات اكثر و بأفكار أفضل .

بالنسبة للمابات و الخرائط حاليا مافي الا ماب واحد اسمه DESERT CANYON و هو عالم مكعبات .

اهم شي رح نتحدث عنه في مراجعتنا هو الجيم بلاي .. اول ما تدخل للجيم رح يكون عندك عدد من مكعبات و هالمكعبات رح تعمل Craft للدروع و تروح بسلاحك الرئيسي و الثانوية , و كل ما تقتل لاعب رح يسقط من هاللاعب مكعبات و مكعب كبير , المكعبات رح تستخدمها لتطوير الدروع , و المكعب الكبير رح يطور سلاحك , رح يتغير شكله و تتغير قوته و فعاليته , و كل ما تقتل اكثر و تاخذ مكعبات اكثر رح تصير اقوى و اقوى .Minimum3

من ضمن اللعبة كمان رح تقدر تضع سلاح رشاش عشوائي في القاعدة عشان تمنع الاعداء من الاقتراب و المطورين واعدين انه رح يكون في مركبات اكثر مع مرور الوقت .

انا بعد تجربتي للعبة صراحة عجبتني فكرتها , الجرافيك جميل , اتمنى تعديل و رفع مستوى المؤثرات الصوتية لان اعتبرها مؤثرات عادية , الجيم بلاي ممتع و تفاعلي و لازم الفريق يتعاون حتى يفوز.

 

تقييمنا للعبة
  • المؤثرات البصرية و الجرافيك
  • أسلوب اللعب
  • بيئة اللعب
  • المؤثرات الصوتية
3

Tags

About: Abdalrhman Faraj

Syrian live in #UAE ~ @DvLZGaME Team Member ~ #Write ~#Web Designer ~ #Robotics #Programmer ~ Montager ~ #Gamer :)

You may also like...

0 thoughts on “مراجعة اللعبة الغريبة الاطوار Minimum”

أضف تعليقاً

Google+ Google+