الزبدة من تقنية PhysX من نفيديا

PhysXNvidia

اليوم في هالمقال رح نناقش اهم تقنية من تقنيات شركة Nvidia الي تقدمها في كروت الشاشة و الي هي تقنية PhysX .
تقنية PhysX يمكن تعريفها بأنها محرك فيزيائي ينضاف للألعاب , و بحكمه انه محرك فرح يأثر على اللعبة لكن كيف يأثر ؟ .. تأثيره على اللعب هو انه يعطيك بيئة تحاكي الواقع بدرجة ممكن ما تميز بين الحقيقة و اللعبة , خاصية PhysX موجودة على كل الكونسلز و ايضا كمان موجودة على أجهزة الحاسب الشخصي , أغلب الألعاب الي تنزل حاليا على أجهزة الحاسب الشخصي و 85% من الألعاب تدعم خاصية PhysX .. طيب و بعدين ؟ شو الي صار بالضبط الحين ؟

رح ازيدك من الشعر بيت و اقولك كمان تقنية PhysX مسؤولة عن عملية تسريع المعالجة الي هي محددة بين المعالج و كرت الشاشة .. طيب شو الفايدة ؟ الفايدة يا طويل العمر انه في هالحالة رح يتم توزيع الاداء بدون ضغط على جزء محدد و رح يعطيك افضل نتيجة و افضل تجربة لعب .. و كل ما كان انوية المعالج اكثر كل ما كان الاداء افضل و افضل .

طيب لو شغلت هي الخاصية شو ممكن ألاحظه و أحصل عليه ؟

اول شي رح تلاحظ انه صار في محاكاة قوية للانفجارات , يعني كنت في لعبة باتمان و ضربت على شي او فجرت اي شي رح تلاحظ انه الانفجار واقعي جدا و تلاحظ سواء التراب او اجزاء المتفجر تتطاير .

PhysxExplo

PhysXclothingأيضا كمان رح تلاحظ حركات الشخصيات جدا واقعية سواء من ردة أفعال الشخصيات او ملابسهم او مشاعرهم كله رح تلاحظه , و اكثر شي تقدر تلاحظه هو تناغم لباس الشخصية بحركتها , و الاهم من كذا انه رح تعطي للشخصيات حركة تحسها انها انسانية مو روبوت فقط يمشي و بدون اي تاثير او اظهار مشاعر و ما الى ذلك .

 

 

كمان رح ناخذ مثال في لعبة Call of Duty : Advanced Warfare و تحديدا في خريطة Riot , لاحظ العلم العراقي و انت مشغل هالتقنية و لاحظها بدون تشغيل , التقنية هي رح تخلي الاعلام او اي شي متطاير في الجيم متناسق مع حركة الهواء و الجاذبية الارضية .

PhysXFlag

و اخيرا كمان رح تلاحظ انه الدخان او الضباب او الثلج او المطر او اي شي متعلق بالاجواء الخارجية رح تلاحظ كمان واقعيتها , مثلا لعبة Fifa 15 لاحظ المطر و انت تلعب مباراة في جو ممطر .

PhysXWeather

بالنسبة لأي كروت شاشة تدعم , نفيديا قدمت دعم هالخاصية لأغلب كروت الشاشة الحديثة و تقدر تلاقي الكروت المحددة فيها التقنية على موقعهم هنا
http://www.geforce.com/hardware/technology/physx/supported-gpus

Tags

About: Abdalrhman Faraj

Syrian live in #UAE ~ @DvLZGaME Team Member ~ #Write ~#Web Designer ~ #Robotics #Programmer ~ Montager ~ #Gamer :)

You may also like...

0 thoughts on “الزبدة من تقنية PhysX من نفيديا”

أضف تعليقاً

Google+ Google+