افضل لعبة Platform ؟؟! | مراجعة لعبة :Rayman Legends

Rayman-Legends-Logo

لعبة ريمان ليجيندس رجعت لنا مرة تانية بجزءها الثاني و الي نزلت على اجهزة WiiU , Xbox 360 , Xbox One , Playstation 4 , Playstation 3 , PSVita , و ال PC .
الجزء الثاني قدم لنا رؤية جديدة لها عن الي شفناه في الجزء الاول , الجزء الاول كان اسمه Rayman Origins و الي كانت تتميز بطريقة لعبها الممتعة و تصميم بيئتها … الخ .
أما بالنسبة للجزء الثاني فقد اختلف الكثير عن الجزء الاول , اللعبة كاملة اصبحت اروع من حيث قصتها و مغامرتها .

Rayman

كل جهاز تجربتك للعبة عليه رح تكون مختلفة , فاللعبة على جهاز Playstation 4 اتميزت برسومها العالية الجودة , و كمان بخاصية التصوير داخل اللعبة , وتتحكم بالصور و تعمل عليها زوم , اما بالنسبة لنسخة Xbox One فما اختلف فيها غير الرسوم , لكن كن متأكد انك اذا لعبت اللعبة ما رح تلعبها مشان الجرافيك العالي فيها او صورها , رح تلعبها لانها تجربة جديدة حيث ان اللعبة من نوع Platform .
و مثل ما منعرف مافي لعبة من نوع Platform حتى تقدر تقارن لعبة Rayman Legends فيها , غير لعبة Knack اللعبة الي نزلت السوق لأجهزة البلايستيشن 4 , و بالتأكيد لعبة Rayman Legends افضل من Knack .

لكن ما سبب حيث ان لعبة Rayman Legends افضل من لعبة Knack ؟
من اهم الاسباب الي تميز لعبة Rayman Legends عن Knack انه لعبة تقدر تلعبها مع اصدقاءك لحد اقصى 4 لاعبين , غير التحديات الموجودة في اللعبة , و غير الطور الي ميزها عن Knack و هي طور كرة القدم .
رح تسألوني شو طور كرة القدم ؟! .. بكل بساطة رح اجاوبكم انه في حال لقيت حالك مليت من Fifa او PES ما عليك الا انك تشغل Rayman Legends و تلعب كرة قدم .

اللعبة قدمت للاعبين نمط فاجئ الكثير , حيث تنوع افكارها , و تحدياتها الرائعة من مرحلة لاخرى خلال ال12 ساعة لعب الي رح تقدر فيها تختم اللعبة .

-قصة اللعبة

بالنسبة لقصة اللعبة تدور حول رحلة مخلوقات Teensies الصغيرة للغابات الكبيرة , و خلال رحلتهم و تجولهم بالغابات رأو خيمة , لكن فضولهم دفعهم لدخولها و معرفة ما بداخلها , فتتفاجئ المخلوقات بلوحات رائعة , لكن يتبين هم بأنها ليست مجرد لوحات , فكل لوحة تعبر عن بوابة لعالم آخر للسفر من خلاله , و رح يتم سحب مخلوقات Teensies الى احد العوالم , و تبدأ مهمة راي مان و اصدقاءه بإنقاذ المخلوقات الصغيرة و اعادتهم من جديد . و اللعبة فيها عدة شخصيات رح تقدر تلعب فيها .

screen_01tcm2149946

-اللعبة صعبة ولا سهلة ؟

مراحل اللعبة تختلف من مرحلة لاخرى و من مهمة لمهمة تانية , بحيث ان بعض المراحل رح تحس انها صعبة , و بعض المراحل رح تحس انها سهلة , و هالشي يعطينا نموذج بإختلاف مستويات اللعبة بين الصعبة و السهلة , و رح تلاحظ انه مافي شي في اللعبة اسمه صعوبة متوسطة , و هالشي رح يخليك تحس بالملل لانك اذا واجهت مرحلة صعبة و خسرت رح تعيدها و تعيدها حتى تقدر تفوز فيها .

boss

– كم مرحلة في اللعبة ؟ 

في اللعبة يوجد العديد من البوابات الي رح تقدر تتنقل من خلالها لتبدأ تحديات و مغامرات اللعبة , ببداية اللعبة رح تكون بوابة وحدة مفتوحة , و لازم تجمع مخلوقات Lums المنتشرة بكل مرحلة حتى تقدر تفتح البوابة الي بعدها , و بالنسبة لمراحل اللعبة رح تواجها اكثر من 130 مرحلة أحلى و مغامرات مختلفة و تحديات اصعب .

نظام التصوير في اللعبة هو تماما نفس النظام في الجزء الاول , فيها كاميرا ثابتة و كاميرا متحركة , بالنسبة للثابتة رح تكون سهلة بالنسبة لك اما المتحركة رح تواجه صعوبة فيها لان فيها لازم تكون سريع بالقفز و الاستجابة حتى توصل لمكان الأمان .

rl-previewfiest-de-los-muertosluchadorboss

وقت تجرب اللعبة رح تضحك و تتونس و تستمتع فيها و كل هاد بسبب الموسيقى الي قدمتها Ubisoft , فمثلا وقت توصل لمخلوق Lums الكبير رح تسمع اغنية الحشرات Lums و هي تغني بشكل جماعي و بصوت واحد .
و الاغرب من كل هالشي , انه رسومات اللعبة كامل مرسومة باليد !! تخيلو ابداع فريق العمل .

من مساوئ اللعبة هي عدم توفر طور Online , ولو كان فيها رح تكون من أفضل الالعاب و رح يكون شي رهيييب بالاضافة لكل مميزاتها الي ذكرناها , و من المتوقع الجزء القادم من راي مان رح يكون فيها طور اونلاين بالاضافة لطور التعاون , و رح تكون معربة بإذن الله .

و أخيرا نتمنى انه ينزل المزيد من ألعاب Platform , لان هالنوع هو الي يخلي الواحد يضحك اكثر و اكثر .

اذا تحب تشوف فيديو المراجعة فيك تشوفه هنا

[do action=”add-youtube-video” youtubeid=”Wf1mxbh37C0″ width=”650″ height=”400″/]

Tags

You may also like...

12 thoughts on “افضل لعبة Platform ؟؟! | مراجعة لعبة :Rayman Legends”

أضف تعليقاً

Google+ Google+