مراجعة | Wolfenstein: The New Order

wolfenstein-header

و اخيرا شهدنا عودة شركة Bethesda لمحبينها و جمهورها بلعبة جديدة و جزء جديد لسلسلة Wolfenstein , حزء Wolfenstein The New Order رح يكون آخر إصدار للسلسلة الطويلة الي بدأت قبل أكثر من عشرين سنة .

تبدأ اللعبة في عام 1946 و هو التاريخ الي فيه اتمحور حول الحرب العالمية الثانية لكن بشكل معاكس للتاريخ الحقيقي , فيفوز النازيين بالحرب العالمية الثانية و استطاعو السيطرة على أجزاء كبيرة حول العالم بحكمهم الديكتاتوري , بطل اللعبة رح يهجم و يستكشف قلاع النازيين في ألمانيا , و رح يقوم بمهمات قتل و إختراق للقلاع و كل هاد فقط علشان يفصل و يدمر العلاقة بين المدن الألمانية و قارة أفريقيا , ايضا رح يقوم البطل بإختراق برامج الفضاء التابعة لألمانيا .

Art-of-Wolfenstein

 

شخصية البطل في اللعبة رح يكون اسمها BJ Blazcowicz , و هي الشخصية المصممة للقيام بعمليات التصفية و القتل و التخلص من النازيين حيث يعتبر BJ Blazcowicz آلة المقاومة في مجال التكنولوجيا حيث رح تلاحظ قدراته المميزة الي يمتلكها و الي رح تستخدمها لتصفية النازيين .
طيب شو الجديد في شغلة المهارات ؟
الجديد في شغلة المهارات يا عزيزي انه مافي أي لعبة أخرى شفناها تتفوق على Wolfenstein The New Order بناحية دمج القصة و الأحداث مع مهارات الشخصية الرئيسية الي هي BJ Blazcowicz , و كل هاد ترتب على وجود مهمات مشوقة و مثيرة , و يزداد التشويق في اللعبة بعد كل مهمة تعملها , و مع عملك للمهمات رح تتعمق باللعبة لتعرف حقيقة النازيين الوحشيين و رح تتعرف على رغبة و غضب البطل لقتل النازيين و بطرق شنيعة .

 

مهارات الشخصية رح تتطور مع لعبك للعبة و تنفيذك للمهمات المطروحة عليك , فهناك مهمات كالتسلل و التخفي منها انه رح تخلي البطل يدخل في معتقل نازي لسبب مراقبة سجين آخر و أخذ بعض المعلومات منه , بس كمان و بنفس الوقت ما رح تشوف شي جديد بالتسلل و التخفي حيث ان الشخصية قادرة على مواجهة أعداد ضخمة من النازيين , و بغباء الأعداء الاصطناعي رح يفيدك كثير للتغلب عليهم , رح تصير في مهمات التسلل و التخفي انك تواجه النازيين وجها لوجه حتى لو كانو بأعداد ضخمة و أسلحة قوية لكن هيك هيك رح تتغلب عليهم و تصفيه واحد واحد , فمنلاحظ انه في العاب اخرى لو تعرضت الشخصية لنص هالشي بدنا 300 مرة نعيد المهمة حتى ننجح فيها , لكن في Wolfenstein فالشغلة مختلفة تماما عن باقي الالعاب .

253257-aaheader

لكن و منرجع لأسلوب التسلل و التخفي رح تضطر انك تتبع أسلوب التسلل و التخفي في بعض المهمات لان المهمة خلقت للقيام بها بأسلوب التسلل و التخفي و لكي تقوم بالعديد بعمليات التصفية و عمليات الاغتيال للقادة النازيين , أيضا رح تلاحظ تنوع اسلحة بشكل غير طبيعي لكنها أسلحة قديمة كالأسلحة الموجودة في الحرب العالمية الثانية , اسلحة تعتبر بسيطة كبنادق و اسلحة قنص و مسدسات . و مع مرور الوقت في لعبك للعبة رح تقدر تخلي الشخصية قادرة على حمل سلاحين في نفس الوقت , هالأمر الي بيخلي في دمك رغبة القتل بمزيد من النازيين في اللعبة .
باللعبة كمان موجود خاصية البيركات او تطوير قدرات البطل الي فيها رح توصل لمهارة انك ترمي السكين على أعداءك و هي شغلة رح تفيدك في كثير من المواقف خلال اللعبة .

wolfensteinno

بالنسبة للمؤثرات الصوتية و المؤثرات البصرية و الجرافيك فبالبداية رح تشوف انها جيدا جدا حيث ان الاستديو المطور استطاع ان يقدم للاعبين تجسيد للعالم الافتراضي بشكل رائع لكن مع مرور الوقت في اللعبة رح تلاحظ انه المؤثرات البصرية أصبحت جيدة و ليست بتلك المستوى العالي و في بعض الاحيان رح تلاحظ البيئة حولك اصبحت اقل دقة لا تستطيع ان تصل لمبتغاك , و ايضا اللعبة فيه بعض المشاكل التقنية التي واجهت العديد من اللاعبين و خاصة لاعبين ال PC حيث ان اللعبة لا تدعم الكرتين و لا تدعم خاصية الانتي اليسنق حيث رح تشوف انها الخاصية غير متوفرة في قائمة إعدادات اللعبة .

 

 

تقييمنا النهائي للعبة
  • المؤثرات البصرية و الجرافيك
  • المؤثرات الصوتية
  • القصة
  • أسلوب اللعب
  • بيئة اللعبة

Summary

خلاصة مراجعتنا للعبة ان بيئة اللعبة الافتراضية و دمج القصة و الاحداث مع مهارات البطل و الشخصية البطلة في اللعبة هي الي ميزت اللعبة عن باقي عناوين الألعاب , صحيح انه هناك بعض المشاكل لكن تبقى سلسلة Wolfenstein متعودين على قوتها و تميزها .

4

Tags

About: Abdalrhman Faraj

Syrian live in #UAE ~ @DvLZGaME Team Member ~ #Write ~#Web Designer ~ #Robotics #Programmer ~ Montager ~ #Gamer :)

You may also like...

4 thoughts on “مراجعة | Wolfenstein: The New Order”

أضف تعليقاً

Google+ Google+